ឯកឧត្តមសាស្ត្រាចារ្យសាកលវិទ្យាធិការ បានសម្តែងនូវអំណរគុណចំពោះ Institut de Recherche pour le Développement (IRD) ដែលបានសហប្រតិបត្តិការជាមួយសាកលវិទ្យាល័យវិទ្យាសាស្រ្តសុខាភិបាល ក្នុងការអនុវត្តគម្រោងស្រាវជ្រាវរួមគ្នាកន្លងមក ក៏ដូចការផ្តល់អាហារូបករណ៍ដល់និស្សិតស.វ.ស សម្រាប់ការសិក្សាថ្នាក់បណ្ឌិតវិទ្យាសាស្រ្តនៅប្រទេសបារាំង។ ឯកឧត្តមសាស្ត្រាចារ្យសាកលវិទ្យាធិការ ក៏បានអបអរសាទរចំពោះ Institut de Recherche pour le Développement (IRD) ដែលមានការិយាល័យប្រចាំប្រទេសកម្ពុជា ដែលនឹងរឹតតែធ្វើឱ្យកិច្ចសហប្រតិបត្តិការ រវាងស្ថាប័ន កាន់តែមានភាពប្រសើរឡើង។

នាឱកាសនោះ លោកស្រីសាស្រ្តាចារ្យ Prof. Adèle MARTIAL បានបង្ហាញអំពីបេសកម្មរបស់ Institut de Recherche pour le Développement (IRD) ដែលជាស្ថាប័នស្រាវជ្រាវសម្រាប់ការអភិវឌ្ឍប្រកបដោយចេរភាព និងស្ថិតក្រោមអាណាព្យាបាល នៃក្រសួងអប់រំ និងក្រសួងការបរទេសបារាំង។ លោកស្រីសាស្រ្តាចារ្យ Prof. Adèle MARTIAL ក៏បានលើកឡើងពីលទ្ធភាពរបស់ Institut de Recherche pour le Développement (IRD) ក្នុងការជួយពង្រឹងសមត្ថភាពអ្នកស្រាវជ្រាវវ័យក្មេងស.វ.ស ក៏ដូចជាពង្រឹងកិច្ចសហប្រតិបត្តិការជាមួយស.វ.ស លើការលើកសំណើគម្រោងស្រាវជ្រាវ និងអនុវត្តគម្រោងស្រាវជ្រាវរួមគ្នា ព្រមទាំងចូលរួមរៀបចំសន្និសីទវិទ្យាសាស្រ្ត និងការបណ្តុះបណ្តាលពង្រឹងសមត្ថភាពផ្សេងៗផងដែរ ជាមួយសាកលវិទ្យាល័យវិទ្យាសាស្រ្តសុខាភិបាល។

គួរបញ្ជាក់ថា ចាប់តាំងពីឆ្នាំ២០១៦ មកដល់ពេលបច្ចុប្បន្ននេះ ស្ថាប័នទាំងពីរ បានចូលរួមអនុវត្តគម្រោងស្រាវជ្រាវរួមគ្នា ចំនួន ០៣ គម្រោងរួចហើយ និង កំពុងរៀបចំកិច្ចព្រមព្រៀងបន្ថែមសម្រាប់ការអនុវត្តគម្រោងរួមគ្នា ចំនួន ០២ បន្ថែមទៀត។ Institut de Recherche pour le Développement (IRD) ក៏បាន