និស្សិតគិលានុបដ្ឋាក ស.វ.ស, Ewha Woman University, មន្រ្តីរាជការ បុគ្គលិក ស.វ.ស ប្រមាណ១០០រូប បានចូលរួមនូវការបណ្តុះបណ្តាលបន្ថែមក្នុងសិក្ខាសាលាស្តីពី "ការបង្កើនសមត្ថភាពនៃការស្រាវជ្រាវផ្នែកថែទាំ" នាថ្ងៃ ពុធ ១០កើត ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី ២៧ ខែធ្នូ គ.ស ២០១៧។

By: Media | Posted on: 12/27/2017 2:04:37 PM

ពិធីនេះបានប្រព្រឹត្រ្តទៅនៅទីតាំងទី២ ស.វ.ស ដោយមានការអញ្ជើញជាអធិបតីពីសំណាក់ ឯកឧត្តមសាស្រ្តាចារ្យ សាផុន វឌ្ឍនៈ សាកលវិទ្យាធិការ លោក Yun Gil Jeong, Country director of KOICA, លោកស្រីសាស្រ្តាចារ្យ Sook Ja Yang ព្រឹទ្ធបុរសមហាវិទ្យាល័យថែទាំនៃសាកលវិទ្យាល័យ Ewha និងថ្នាក់ដឹកនាំតាមមហាវិទ្យាល័យ សាលារបស់ ស.វ.ស។

វាគ្មិនសំខាន់ៗក្នុងសិក្ខាសាលានេះគឺអញ្ជើញមកពី Ewha Womans University នៃសាធារណ:រដ្ឋកូរ៉េ, សាកលវិទ្យាល័យវិទ្យាសាស្រ្តសុខាភិបាលនៃទីក្រុង Hong Kong និងមន្រ្តីជំនាញមកពី ស.វ.ស។
សិក្ខាសាលារយ:ពេល២ថ្ងៃនេះ មានគោលបំណងសំខាន់ដើម្បីពង្រឹងកិច្ចសហការជាមួយដៃគូរអន្តជាតិ តាមរយ:ការបង្កើននូវសមត្ថភាពការអប់រំ ការស្រាវជ្រាវផ្អែកទៅលើចំណេះដឹងនៃការថែទាំជាមូលដ្ឋាន និង ការបង្កើតអោយមានកិច្ចសហការស្រាវជ្រាវជាក្រុមជូននិស្សិត អតីតនិស្សិត និងមន្រ្តីរាជការ-បុគ្គលិកដែលពាក់ព័ន្ធរបស់ស.វ.ស។